取消戶口

做野前唔做足準備。抵啦抵啦。要做多好多功夫啦。

事源昨天去HSBC取消個10年都唔用既戶口。取消完先知作只幫我取消個儲蓄戶口。
咁個serious saver account又要自己上網搞喎。好。既然仲有錢係入面都要搞架...冇得唔理。

今天好不容易搵返個security device出來。好。原來個device要入pin的。但我應該已經掉左個pin number 封信。而個device又未啟動。
好。打去hsbc。明明打去廣東話hotline唔知點解會係個印度口音既英文人聽。你唔好同我講而家印度人都識講廣東話。搞一大輪終於用到個device 登入到個internet banking。

咁應該可以轉走d錢啦。但點知原來只可以將錢轉入我指定戶口而就係佢昨日幫我取消那個。

我頂.......咁你唔早講???

好。又再打去hsbc。今次打去英文hotline唔知點解有個國語口音的英文人聽。真有趣。然後要我去download張form再指定另一個戶口再寄返返去。我真係火火地... 我取消戶口時你唔早講....

不過算。正如一開始所講。自己唔做足準備烚烚下冇得怪人。留返啖氣print張form出來填左寄左佢算。

不過值得一讚係HSBC好快有人聽電話!

同埋煩得黎我總算學多個經驗。非。常。好。

成功就是來自失敗。

轉變

終於一口氣看完自己所寫下的日記。

天呀, 有好長一段時間是灰色的人生。看完令人好沉重好沉重。那堆日記像是我吐怨氣和發洩修心的地方。我看到了關係是怎樣由親密變成疏離。看到有多麼的痛的割捨。

整體上感覺那十年都是在拖泥帶水毫無建樹的。

好吧。都掉了。忘記背後。感恩這幾年遇上主。人生慢慢變得不一樣。
那創造天地的主讓我人生多了光亮的感覺。

說真的, 想不到我喜歡過的人有這麼的多。多到有些我連名字都忘了。
鄭生一定又會說他拯救了我。我說是我拯救了他! 其實是主拯救了我倆。

可以將日記本子都變美麗和陽光嗎?
回到現實。要帶我的小寶貝去散步步了。:)

春天到了

隔離屋的花又開得很漂亮了。即使不是屬於我家的。但每天到後院晒衫時都可以欣賞得到。多好。

beautiful

For beautiful eyes, look for the good in others;
for beautiful lips, speak only words of kindness;
and for poise, walk with the knowledge that you are never alone.

不再說分手

昨天是自生BB後出去逛最長時間的一天。不知是否太累, 今天人有點悶悶的, 有點失落, 有點迷茫, 有點什麼都不想做, 有點心情不佳, 有點沒有朝氣, 有點... 累。

快中午12點。上午用完。

感恩的心

有時候困難的日子會讓你懂得珍惜。
但安逸的日子卻讓人忘記感恩。

點算。

８月了。是時候為這個月切定一些可達到的目標。

經過了９個月的懷孕生活和１個月的坐月生活。係時候重新做返個正常人。

過返一些正常（加上多了個ＢＢ）的生活。

要記得，這看似很煩的ＢＢ，是主給我們一個很大的恩賜。他會哭會鬧會要你兩三小時同埋半夜天寒地凍起床餵夜奶或是一小時換幾次尿片，通通都是這小生命健康成長的恩典。

學懂感恩，很多事情便能看見。

換季以外

昨晚BB睡得不錯。今天有精神整理一下衣櫃。看看自己有沒有除睡衣以外的餵奶家居服可以穿。雖然坐月只能在家。但日日早晚穿著睡衣的感覺很頹廢。

然後發現, 隨著身體的用法不同。好多衫短期內用不著。

懷孕前只需要分返工衫去街衫屋企衫。

懷孕後要分不同階段而又穿得下的衫。到8~9個月時只要有包得下個肚同pat pat的衫已經很感恩。
(( 實在不想投資太多孕婦衫, 人生有幾何咁大個肚? 即使俾你再生多個, 你又知要冬天大肚衫定夏天大肚衫?? 但唔買又唔得, 唔通著住件睡衣返工? 話時話, 那時候真的連睡衣都唔岩著要買過。))

生仔後又再重新準備一系列的餵奶衫! 好! 即是之前的普通正常人衫和大肚衫通通可以收埋。
BRA都可以掉得。又要加大尺碼*(個胸)又要方便餵奶。除了漂亮外也十分著重功能‧一定要易於餵奶, BB可沒有耐性等你慢慢除衫。佢只有一個目標, 就是要食!! 遲一秒都好似虐待佢咁。

剛看到一篇文章, 提及一個網站。
http://theshapeofamother.com/
清清楚楚坦坦白白的展示媽媽的身體生產後是如何變化。
既然為了BB已付出了漂亮緊致的身體。就多用些衣飾將自己打扮得好看一點吧。

該慶幸那打摺的肚皮和柔軟的胸部是不用拿來見人的。